Picture
Jal-Shaamak Mudra (ஜல ஷாமக் முத்திரை)
 
(உடலின் அதிகமான நீரை குறைக்கும் முத்திரை)
(பெண்களுக்கு மாதவிடாயின்போது அதிக உதிரப்போக்கை கட்டுப்படுத்தும் அருமையான முத்திரை)

 நமது சிறுவிரலை பெருவிரலின் அடிப்பாகத்தில் தொடும்படி வைத்து பெருவிரலை வைத்து படத்தில் காட்டியுள்ளபடி இலேசாக அழுத்தவேண்டும். மற்ற விரல்களை நேராக நீட்டி வைத்துக்கொள்ளவேண்டும்.

இந்த முத்திரை வருண முத்திரைக்கு எதிர்மறையான முத்திரையாகும். வருண முத்திரை உடலில் நீர்ச்சத்தை அதிகரித்து சமநிலைப்படுத்தும். இந்த முத்திரை உடலில் உள்ள அதிக நீரை குறைத்து சமநிலைப்படுத்தும்.
இந்த முத்திரையை தினமும் அதிக பட்சம் 45 நிமிடங்களும், குறைந்த பட்சம் 15 நிமிடங்களாவது செய்வது நல்ல பலனைத் தரும். இந்த முத்திரைப் பயிற்சி எந்த நேரத்திலும் செய்யலாம்.

முத்திரையினால் ஏற்படும் நல்ல விளைவுகள்:

  • உடலில் உள்ள நீர்கட்டிகளை (OEDEMA) குணப்படுத்தும்.
  • உடலில் உள்ள அதிக நீரை குறைக்கும்.
  • கண்களில் நீர் நிறைந்து இருப்பதை குறைக்கும்
  • மூக்கிலிருந்து நீர் வடிவதை குறைக்கும்.
  • அதிகமாக வாயில் எச்சில் வருவதை குறைக்கும்.
  • வயிற்றுப்போக்கை கட்டுப்படுத்தும்.
  • பெண்களுக்கு மாதவிடாயின்போது அதிக உதிரப்போக்கை கட்டுப்படுத்தும்.
  • வயிற்றில் செரியாமையினால் ஏற்படும் அமிலத்தன்மையை குறைக்கும்.
  • நெஞ்செரிச்சலை கட்டுப்படுத்தும்.
  • நுரையிரலில் ஏற்படும் நோய்களை குணப்படுத்தும்.
  • நெஞ்சு படபடப்பு,  அதிக காய்ச்சலை குணப்படுத்தும்.
  • உடலில் தேவைக்கு அதிகமாக ஹார்மோன் சுரக்காமல் கட்டுப்படுத்தும்.
  • மூளை மற்றும் தண்டுவடத்தில் அதிக திரவம் (CEREBROSPINAL FLUID) சேர்வதால் ஏற்படும் ( HYDROCEPHALOUS) தலை நீர் தேக்க நோயை குணப்படுத்தும்.
  • மூட்டழற்சி நீங்கும்
  • ஆண்களுக்கு ஏற்படும் விரை வாதம் நீங்கும்.
  • மூளையில் ஏற்படும் நீர்த்தேக்கம் நீங்கும்.
  • சிறுநீர்ப்பை மற்றும் சிறுநீர்ப்பாதையில் ஏற்படும் அழற்சி நீங்கி சிறுநீர் சிரமமில்லாமல் வெளியேறும்.
  • உடலில் ஏற்படும் அதிக குளிர்ச்சி தன்மை நீங்கும்.
  • வாதநோய்களை குணப்படுத்தும்.

நோய் குணமானவுடன் பயிற்சியை தொடர்ந்து செய்வதை நிறுத்திவிடவேண்டும்.

நமது உடல் பஞ்சபூதங்களால் கட்டுப்படுத்தப்பட்டுள்ளது. அதாவது காற்று, நெருப்பு, நீர், பூமி, ஆகாயம் என்பன. இந்த பஞ்சபூத சக்திகள் நமது உடலில் சமநிலையில் இல்லாமல் இருந்தால் நாம் நோய் எதிர்ப்பு சக்தி குறைந்து நோயால் அவதிப்படுகிறோம். இந்த பஞ்சபூத சக்திகளை முத்திரைப் பயிற்சியின் மூலம் சமநிலைப்படுத்தலாம்.
நமது ஐந்து விரல்களும் பஞ்சபூத சக்திகளை குறிக்கிறது. பெருவிரல் நெருப்பின் சக்தியாகவும், ஆள்காட்டி விரல் காற்றின் சக்தியாகவும், நடுவிரல் ஆகாசத்தின் சக்தியாகவும், மோதிரவிரல் பூமியின் சக்தியாகவும், சிறுவிரல் நீரின் சக்தியாகவும் செயல்படுகிறது. பெருவிரல் நெருப்பு சக்தியுடன் மற்ற விரல்கள் தொடர்பு கொள்ளும்போது அதற்குரிய பஞ்சபூத சக்திகள் சமநிலைப்படுகிறது. அதனால் அதற்குரிய நோய்கள் குணமடைகின்றது. முத்திரைப் பயிற்சி செய்யும்போது உடலில் மின் காந்த சக்தி ஊடுருவி நோய்கள் குணமடைகிறது. உடலின் பிராண சக்தி அதிகரித்து நோய் இல்லாமல் வாழ வழிவகை செய்கிறது.

 


Comments




Leave a Reply